Një vatër zjarri është shfaqur pasditen e së martës pranë Aeroportit të Kukësit, ku flakët kanë përfshirë një sipërfaqe me livadhe dhe shkurre pranë rrugës së Kënetës. Në vendngjarje kanë mbërritur forcat zjarrfikëse, të cilat u vunë në lëvizje për ta vënë zjarrin nën kontroll dhe për të parandaluar përhapjen e tij. Sipas informacioneve paraprake, era favorizoi përhapjen e flakëve, duke e bërë më të vështirë ndërhyrjen. Vatra ndodhej rreth 200 metra larg rrethimit të Aeroportit të Kukësit. Deri tani nuk raportohet për persona të lënduar apo dëme në objekte.