Një autobot u përfshi nga flakët në një pikë karburanti në autostradën Tiranë-Durrës. Ngjarja ndodhi rreth orës 14:00, ndërsa nga shpërthimi I ndodhur u plagosën dy punonjësit e pikës së karburantit të kompanisë Gega Oil. Ata u dërguan për ndihmë mjekësore drejt spitalit ku mësohet se janë jashtë rrezikut për jetën. Autoboti ishte duke furnizuar pikën e karburantit kur u përfshi nga zjarri. Drejt vendit të ngjarjes shkuan forcat zjarrfikëse të cilat pas disa minutash bën të mundur izolimin e flakëve duke shmangur dhe rrezikun e shpërthimit të cisternave me karburant që ndodheshin aty pranë. Si pasojë e ngjarjes në autostradën që lidh qytetin bregdetar me kryeqytetin u bllokua për disa minuta edhe trafiku. Ende nuk dihet shkaku I zjarrit, ndërsa një grup hetimor po punon për sqarimin e plotë të rrethanave të ngjarjes.