Rusia gjatë natës nisi një seri tjetër sulmesh ajrore në rajonin Dnipropetrovsk të Ukrainës, ndërsa alarmi për sulm ajror u dëgjua përsëri në të gjithë vendin. Raketat ruse goditën dy objekte industriale në qytetin Dnipropetrovsk të Krivi Rih, duke shkaktuar dëme të konsiderueshme dhe duke plagosur një person, thanë ushtria ukrainase dhe zyrtarët rajonalë mëngjesin e të enjtes. Autoritetet ndezën alarmin e sulmeve ajrore në të gjithë ukrainën, gjatë natës dhe sirenau u ndalën vetëm në oreën 5 të mëngjesit. "Një 38-vjeçar është plagosur. Ai është shtruar në spital në gjendje të qëndrueshme", tha guvernatori i rajonit në telegram duke shtuar se sulmet shkaktuan dëme të konsiderueshme në dy objekte. Kjo, ishte dita e tretë me radhë që Rusia shënjestroi këtë rajon. Mbrojtja ajrore e Ukrainës tha ndërkohë se kishte shkatërruar të 20 dronët e prodhuar nga Irani të lëshuar në Dnipropetrovsk, por tre nga katër raketat ruse nuk u ndalën dot dhe goditën fabrikat në Krivi Rih. Rusia ka shtuar sulmet ajrore ndaj Ukrainës në javët e fundit, ndërsa Kievi përgatitej të niste kundërofensivën e shumëpritur për të rimarrë territorin e pushtuar nga forcat ruse. Presidenti i Ukrainës Volodymyr Zelensky javën e kaluar pranoi se operacioni ishte duke u zhvilluar, duke bërë që Moska të përshkallëzojë sulmet e saj duke përdorur raketa dhe dronë në qytetet kryesore në të gjithë Ukrainën.