Zjarri që përfshiu një magazinë në zonën e Shkozetit në Durrës është vënë nën kontroll pas më shumë se tre orësh ndërhyrje nga forcat zjarrfikëse. Në operacionin për shuarjen e flakëve u angazhuan 5 mjete zjarrfikëse, 4 autobotë, 1 autoshkallë dhe 24 punonjës të Shërbimit të Mbrojtjes nga Zjarri dhe Shpëtimit. Sipas autoriteteve, aktualisht po vijon puna për shuarjen e plotë të vatrave të mbetura dhe sigurimin e perimetrit, ndërsa nuk ka më rrezik për përhapjen e flakëve. Gjatë operacionit, dy efektivë zjarrfikës, Nadir Kapaj dhe Maliq Gjyli, u transportuan në Spitalin Rajonal të Durrësit për shkak të asfiksimit nga tymi dhe zjarri. Gjendja e tyre shëndetësore paraqitet e qëndrueshme dhe ata po marrin trajtimin e nevojshëm mjekësor. Shkaqet e zjarrit pritet të përcaktohen pas përfundimit të hetimeve nga autoritetet përgjegjëse, ndërsa forcat në terren po punojnë për shuarjen e plotë të tyre.