Një zjarr masiv ka përfshirë zonën e Lunxherisë gjatë pasdites së të hënës. Zjarri është i përmasave shumë të mëdha dhe ka përfshirë edhe një masiv me pisha pranë fshatit Krinë. Kujtim Bizhga shefi i shërimit zjarrfikës për Gjirokastrën tha se zjarri nuk mund të fiket me krahë pasi i tejkalon kapacitetet e mjeteve dhe njerëzve në dispozicion dhe do ishte me vlerë një ndërhyrje nga ajri. 25 zjarrfikës dhe disa dhjetëra forca vullnetare kanë shpëtuar nga flakët fshatin Qestorat duke devijuar drejtimin e zjarrit ndërsa tani kërkohet ndihmë për të prerë drejtimin më të rrezikshëm të flakëve atë drejt fshatit Krinë. Zjarrfikësit kanë konfirmuar se zjarrvënia është e qëllimshme dhe është vendosur në tri vatra në zona të ndryshme të Lunxhërisë. Zjarri është favorizuar nga era dhe nga temperaturat që arritën në 43 gradë duke u përhapur me shpejtësi në zonën pyjore.