Pamjet dramatike tregojnë momentin kur shatërvanë llave shpërthejnë në qiell ndërsa një shpërthim i ri i Etnës tronditi Italinë. Kolona e tymit dhe shkëmbinjtë e shkrirë mund të shiheshin të shpërthenin në qiell, që nga poshtë sipërfaqes së malit. Magma raportohet se është derdhur nga 700 metra lartësi, në zonën veriore të malit. Aktiviteti i vullkanit çoi në rrjedhën piroklastike, një ortek i turbullt i gazit të nxehtë dhe lëndës vullkanike, e cila u drejtua me tërbim drejt ujit. Klipi tronditës tregon edhe momentin kur copat e nxehta të shkëmbinjve hynë në Detin Tirren, duke dërguar një kolonë hiri në qiell. Rrjedha e shpejtë e llavës iu drejtua bregut të detit duke arritur deri në disa qindra metra larg tij. Llava, thuhet se ka nisur të rrjedhë përgjatë një carjeje të njohur si Sciara del Fuoco, që është edhe një atraksion turistik në ishull. Madje u fol edhe për një carje të re nën krater. E kjo sipas ekspertëve mund të nënkuptojë që shpërthimi i etnës do të zgjasë për disa ditë. Në gusht 2014, një shpërthim i ngjashëm zgjati për dhjetë ditë pa pushim. Për shkak të aktivitetit të Etnës, që sidoqoftë është reduktuar në mëngjes, dhe emetimit të hirit vullkanik në atmosferë, zyrtarët kanë vendosur të mbyllin aeroportin e katanias duke anuluar cdo fluturim në ardhje apo ikje. Operacionet e fluturimit do të nisen pas largimit të hirit vullkanik nga pistat, thanë autoritetet.