Është ndarë nga jeta në moshën 19-vjeçare, nipi I aktorit të njohur Robert De Niro, Leandro De Niro Rodriguez. Lajmin tragjik e ka dhënë vajza e aktorit, Drena De Niro, në Instagram, ku ka postuar një foto të djalit të saj, teksa shkaku I ndarjes nga jeta nuk dihet ende. "Engjëlli im i bukur, i ëmbël. Të kam dashur pa fjalë apo përshkrim që nga momenti që të kam ndjerë në bark. Ti ke qenë gëzimi im, zemra ime dhe gjithçka ka qenë e pastër dhe e vërtetë në jetën time. Do të doja të isha me ty tani. Do të doja të isha me ty. Nuk di si të jetoj pa ty, por do të përpiqem të vazhdoj dhe të shpërndaj dashurinë dhe dritën që më bëre të ndjej, duke qenë nëna jote. Pusho në paqe dhe parajsë të përjetshme djali im i dashur", shkroi ndër të tjera 51-vjeçarja Drena De Niro, e cila ëshët vajza e Robertit dhe aktores Diahnne Abbott. Menjëherë pas postimit për lajmin tragjiok, aktorë dhe shkrimtarë të shumtë, si Lana Parrilla, Rosie Perez, Victoria Gotti, etj., nuk kanë ngurruar t’I shprehin ngushëllimet Drena De Niros.