Prokuroria e Sarandës ka dhënë detaje në lidhje me ndalimin e oficerit të policisë gjyqësore në Sarandë, Edmond Ruçi nga Agjencia e Mbikëqyrjes Policore një ditë më parë. Sipas organit të akuzës, ndalimi i tij lidhet me një rast hetimor për një rast droge. Ndalimi i nënkomisarit erdhi pas arrestimit të 2 personave të akuzuar për shitje të lëndëve narkotike. Gjatë hetimit të këtij rasti, lindën dyshime per përfshirje në veprimtari të kundraligjshme nga oficeri i policisë gjyqësore, që po hetonte rastin. Ndërkohë nëpërmjet njoftimit zyrtar, Prokuroria ka bërë me dije se nga hetimet ka rezultuar se Edmond Ruçi është përfshirë në veprime korruptive në trajtimin e kësaj rasti, pasi ka vepruar kundër ligjit në lidhje me arrestimin e këtyre dy personave, të cilëve u ishin sekuestruar 24 doza kanabis në automjetin e tyre.