Shpërndatrja e gjerë e internetit, si dhe rritja e numrit të përdoruesve të rrjeteve sociale, i ka shtyrë politikanët që t’i përdorin ato si platformën kryesore politike të komunikimit. Kjo u masivizua edhe më shumë gjatë kohës së pandemisë, kur mitingjet dhe grumbullimet me qytetarët ishin të kufizuara. Politikanët shpenzojnë shuma të mëdha financiare për sponsorizime që të rritin ndjekësit në rrjetet sociale. Madje, shpesh herë ata vihen edhe në garë me njëri-tjetrin përsa i përket shikueshmërisë, pëlqimeve, dhe reagimeve që marrin në postimet e tyre. Komunikimi përmes rrjeteve sociale aplikohet si formë edhe nga politikanët shqiptarë, të cilët numërojnë qindra mijëra ndjekës në rrjetet sociale. Kryeministri Edi Rama përdor Facebook, Instagram Tëitter dhe së fundmi ka hapur llogari edhe në Tik Tok.