Albi Mecini njëri nga personat që prokuroria e Fierit coi këtë të shtunë për gjykim lidhur me transportimin e 21 kilogram eksploziv bashkë me dy miqtë e tij, po hetohet edhe për një tjetër ngjarje. Mecini dyshohet se është një nga autorët që ka marrë pjesë në rrëmbimin dhe zhdukjen e Fatmir Sulovari dhe Leonard Theodhori, ngjarje e shënuar në muajin prill të vitit 2023 në Sarandë. Kapja e të riut Albi Mecini me dy canta me lëndë plasëse ngriti dyshimet se ky i fundit ka gisht në ngjarjen e 9 prillit të vitit 2023, e madje në këtë ngjarje ka patur bashkëpunëtor 26 vjecarin Sebastian Lataj, i cili ndodhet në kërkim. Për Latajn, gjykata ka caktuar masën arrest me burg në mungesë për veprën penale “Rrëmbimi ose mbajtja peng e personit”. Disa javë pasi u zhdukën dy 46 vjecarët, të dy me precedent penal, policia zbuloi tre automjete në një vilë në Nivicë e cila ishte marë me qira. Në njërën prej tyre, ekspertët përftuan profile AND je të Albi Mëcinit, cka cuan polcinë të niste hetimet. Pas arrestimit të Albi Mëcinit, rezultoi se ky i fundit ka qenë i dënuar më parë, pasi ndihmoi të arratisej nga burgu i sigurisë së lartë në Drenovë, Admir Tafilajn, Fran Marashin, Gëzim Gurin dhe Artur Gorën në nëntor të vitit 2013. 30 vjecari rezultoi po ashtu me precendent të mëparshëm kriminal në shtetin anglez dhe francez, për krime kundër personit dhe trafikim narkotikësh.