Bullgaria ka njoftuar se një nga aeroplanët e saj ushtarak MiG-29 ka humbur komunikimin dhe është zhdukur nga radarët gjatë stërvitjeve ushtarake mbi Detin e Zi. “Ndërsa po kryente një mision trajnues mbi hapësirën ujore të republikës së bullgarisë, një avion Mig 29, i forcave ajrore bullgare, humbi kontaktet në radio dhe doli nga radari në orën 00.45 minuta”, tha ministria e mbrojtjes në një deklaratë. Ministria shtoi se stërvitjet Shabla 21 janë pezulluar dhe se menjëherë ka filluar një operacion i kërkim-shpëtimit. Ministri i Mbrojtjes i Bullgarisë, Georgi Panajotov dhe Shefi i Mbrojtjes, Emil Eftimov janë nisur për në zonën ku ka ndodhur incidenti. Shkaku i zhdukjes së aeroplanit nuk dihet. Kryeministri në detyrë, Stefan Yanev i tha kanalit televiziv BTV se piloti i avionit nuk raportoi ndonjë problem para se aeroplani të zhdukej nga radari. Bullgaria është vend anëtar i NATO-s dhe Bashkimit Evropian.