Një vullkan ka shpërthyer në Indonezi, duke ngritur hirin për 9 kilometra lart në qiell dhe duke lëshuar gaz helmues mbi fshatrat përreth. Mali Leëotobi Laki Laki, një nga vullkanet më aktivë të Indonezisë, shpërtheu për ditën e dytë radhazi duke mbuluar zonat përreth me hi dhe shkëmbinj. Një shpërthim tjetër të premten në mbrëmje kishte lëshuar re hiri deri në një lartësi të pabesueshme prej 10 km. Qielli i natës gjithashtu u ndriçua nga llava e ndezur dhe rrufetë, Dy shpërthimet e frikshme ndodhën në një hark kohor prej më pak se pesë orësh. Agjencia e Gjeologjisë në Indonezi regjistroi një shpërthim resh gazi përvëlues, të përziera me shkëmbinj dhe lavë, që mbuluan një zonë prej rreth 5 km poshtë shpateve të malit. Vëzhgimet me dron treguan lëvizje të thellë të magmës, duke shkaktuar dridhje toke që u regjistruan në monitorët sizmikë.