Misteri është thelluar mbi stacionin radiofonik të apokalipsit, të Rusisë të quajtur "The Buzzer" pasi relikti i epokës sovjetike dërgoi katër sinjale të fshehta në vetëm 24 orë. I përdorur nga KGB-ja gjatë kulmit të Luftës së Ftohtë, radiostacioni UVB-76 ka qenë vazhdimisht i zhurmshëm që nga fundi i viteve '70 duke shkëmbyer sic thuhet mesazhe sekrete ushtarake. Më 15 prill, radioja e fundit të botës sinjalizoi katër fjalë: Neptun, Thymus, Foxcloak dhe Nootabu, sipas regjistrave të kanalit në Telegram UVB-76, që monitoron vazhdimisht aktivitetin e tij. Dhe kjo konsiderohet një rast i rrallë. Ndërsa nuk dihet se çfarë tregojnë këto sinjale të frikshme, spekulimet janë se ato janë të lidhura me operacione sekrete ushtarake apo edhe me protokolle bërthamore. UVB-76 transmeton në frekuencën 4625 kHz dhe karakterizohet nga një tingull i frikshëm që gumëzhin 24 orë në ditë, shtatë ditë në javë. Stacioni i valëve të shkurtra zakonisht nuk lëshon asgjë tjetër përveç zhurmës statike, derisa diçka e madhe, sic mund të jetë një sulm bërthamor, të ndodhë. Në shkurt, radiostacioni dërgoi 25 mesazhe brenda 24 orëve. Mediat ruse madje publikuan disa prej fjalëve të transmetuara. Shumë kush beson se bëhet fjalë për një mjet komunikimi ushtarak, që mund të përdoret për të komunikuar me stacione të largëta ose për të aktivizuar njësi të caktuara ushtarake. Disa madje besojnë se është pjesë e një sistemi që automatikisht do të shkaktonte një përgjigje ushtarake në rast të një sulmi ndaj Rusisë. Sipas ekspertëve, sinjali transmetohet dhe dëgjohet pa satelitë apo internet dhe kjo e bën të lehtë për rusinë që të përcjellin të dhëna të inteligjencës ushtarake pa u zbuluar. Edhe në rast të një lufte bërthamore, ku shumica e komunikimeve ndërpriten, sinjali mund të funksionojë normalisht.