Dy akademikë kinezë kanë fituar për herë të parë çmimin më të lartë në botë për matematikë, sipas mediave shtetërore. Hong Wang dhe Yu Deng fituan së bashku me John Pardon nga SHBA-ja dhe Jacon Tsimerman nga Kanadaja nga 15 mijë dollar krahas çmimit pasi zgjidhën problemet që i kanë hutuar matematikanët për më shumë se një shekull. 35-vjeçarja Wang, e cila jep mësim në SHBA dhe Francë, është gruaja e tretë në botë që merr këtë çmim. Medalja Fields, e konsideruar si ekuivalenti i çmimit Nobel për matematikën, u dha të enjten në SHBA, ndërsa llogaritjet njerëzore po sfidohen gjithnjë e më shumë nga inteligjenca artificiale pas makinave llogaritëse. Wang dhe Zahl e analizuan problemin duke supozuar se lapsi po lundronte në një hapësirë tredimensionale, në vend të një sipërfaqeje të sheshtë. Ata e publikuan studimin e tyre vitin e kaluar. “Nëse kjo hamendje i magjeps kaq shumë njerëzit, kjo ndodh sepse ky lloj fenomeni shfaqet natyrshëm në probleme nga fusha shumë të ndryshme”, tha Wang për Agjencinë e Lajmeve AFP. Deng, një profesor 37-vjeçar i matematikës në Universitetin e Çikagos, u nderua për punën e tij në zgjidhjen e një problemi tjetër shekullor. Në vitin 1900, matematikani gjerman David Hilbert pyeti atë që do të njihej si Problemi i Gjashtë i Hilbertit: si mund të llogaritet sjellja e një tërësie bazuar në lëvizjen e grimcave individuale.