Komisioni Europian nuk dha një qëndrim mbi propozimin e pesë shteteve anëtare të Unionit për anëtarësimin e pjesshëm të Shqipërisë dhe pesë shteteve të tjera të Ballkanit Perëndimor në familjen e madhe europiane. Në një reagim për top Neës një zëdhënës I komisionit tha për Top Neës se Politika e zgjerimit të BE-së është më shumë se kurrë një investim gjeostrategjik për prosperitetin, stabilitetin dhe sigurinë afatgjatë të kontinentit tonë. “Një gjë është e qartë: zgjerimi ka të bëjë edhe me sigurinë. Në kontekstin aktual gjeopolitik, duhet të sigurohemi që qasja jonë të jetë e përshtatshme. Siç kanë theksuar shpesh Presidentja von der Leyen dhe Komisioneri Kos, kemi një bazë të qartë: zgjerimi është një proces i bazuar në merita. Komisioni është i gatshëm të vazhdojë këtë diskutim me Shtetet Anëtare.”, tha zëdhënësi I KE për Top Neës, ndërsa shpjegoi se integrimi gradual është një mjet që mbështet vendet kandidate në rrugën e tyre drejt anëtarësimit, në varësi të përmbushjes së disa kritereve.