Komisioni Qendror Zgjedhor është ende në procesin e verifikimit të nënshkrimeve të mbledhura në peticionin e organizuar në Mitrovicë e Veriut, Zveçan, Leposaviq dhe Zubin Potok për shkarkimin e kryetarëve aktual. Në KQZ thonë se ky proces do të marrë kohë dhe se nuk ka ende një datë të saktë se kur do të përfundojë procesi i verifikimit. Deputeti i Lëvizjes Vetëvendosje, Adnan Rrustemi, thotë se zgjedhjet e reja në veri mund të mbahen vetëm nëse arrihet kuota 50 për qind plus një votë e qytetarëve për largimin e kryetarit por ai nuk përmend një afat se kur mund të mbahen këto zgjedhje. Rrustemi: Nuk mund të flasim për afate sepse këto marrin kohë dhe varet ...Nuk mund të flasim për afate sepse këto marrin kohë dhe varet çfarë dinamike ndiqet atje. Por nëse dalin 50.1 për qind dhe votojnë për largimin e tyre, padyshim se zgjedhjet janë një fakt i kryer. Mos të harrojmë kjo situatë është krijuar përsëri si pasojë e veprimi politik të Serbisë për t’i detyruar serbët që të tërhiqen nga institucionet” Ish-kryetari i KQZ-së, njohës i kushtetutës, Mazllum Baraliu, ndërkaq thotë se nëse nuk arrihet kuota 50 për qind plus një votë e qytetarëve për largimin e kryetarit, procesi për zgjedhjet në veri do të dështojë.