Pas konfirmimit në postin e kryetares së LSI, Monika Kryemadhi ka vlerësuar procesin zgjedhor të organizuar në të gjithë vendin, dhe ka konsideruar si risi votimin online të një pjese të anëtarësisë. Gjatë një konference pwr shtyp, Kryemadhi tha se mungesa e një kandidati rival përballë saj, nuk i humbte asnje vlerë procesit, pasi do të donte që të kishte një kandidat të vërtetë dhe jo një për fasadë. Ajo e quajti të turpshme angazhimin e strukturave të qeverisë në monitorimin e zgjedhjeve të LSI, si në rastin e prefektes së Beratit që fotografonte kush hynte e dilte për të votuar. Sa i takon konventës së 5 dhjetorit që do të mbahet në kushtet e pandemisë, u konfirmua nga sekretarja organizative se do të ndërthuret me zhvillimin online.