Këtë të diel të 27 tetorit bullgarët votojnë për zgjedhjet e përgjithshme të parakohshme. Në këto zgjedhje po marrin pjesë edhe ata qytetarë që jetojnë në Kukës e që Bullgaria e Shqipëria i njeh si minoritet. Në Pallatin e Kulturës të qytetit të Kukësit është hapur një qendër votimi ku të drejtë votimi kanë personat me letërnjoftim dhe pasaportë bullgare. Qendra e votimit është hapur në orën 7 të mëngjesit ndërsa proçesi i votimit do të mbyllet në orën 20 të mbrëmjes. Deri më tani procesi po kryhet normalisht dhe pa probleme.Votuesit janë nga fshatrat e zonës së Gores por edhe të qytetit të Kukësit të cilët kanë dokumenta personale bullgare.Qendra votimi janë hapur edhe në Tiranë pranë ambasadës Bullgare, në Korccë e Elbasan. Referuar të dhënave të Censit 2023 ku për herë të parë është matur edhe minoriteti bullgar rezulton se 7057 persona ne Shqiperi jane deklaruar dhe regjistruar si bullgar. Shteti shqiptar i njeh bullgarët si pakicë në bazë të një ligji qe ishte miratuar ne vitin 2017. Bullgarët shkojnë në kutitë e votimit në zgjedhjet e shtata të parakohshme brenda katër viteve dhe vetëm katër muaj pasi votuesit shkuan në qendrat e votimit në qershor, pas rënies se një koalicioni qeveritar të qendrës së djathtë.