Anketa e re e zhvilluar nga agjencia e lajmeve Associated Press tregon se qëndrimi i amerikanëve mbi rrezikun ndaj demokracisë bazohet në prirjet e tyre politike. Përafërsisht 6 në 10 demokratë i shohin zgjedhjet si jashtëzakonisht të rëndësishme për të ardhmen e demokracisë, krahasuar me 4 në dhjetë votues të pavaruar, ose republikanë. Afërsisht 3 në 4 amerikanë besojnë se zgjedhjet e ardhshme presidenciale janë jetike për të ardhmen e demokracisë në SHBA, megjithëse se cili kandidat ata mendojnë se përbën kërcënim më të madh varet nga prirjet e tyre politike, sipas një sondazhi. Shumica e demokratëve dhe republikanëve thonë se demokracia mund të jetë në rrezik në këto zgjedhje, kjo në varësi të fituesit. Sipas Associated Press sondazhi tregon se rreth 2 në 10 amerikanë thonë se demokracia në Shtetet e Bashkuara është mjaftueshëm e fortë për t'i bërë ballë rezultatit të zgjedhjeve pavarësisht se kush fiton, ndërsa 2 në 10 të tjerë besojnë se demokracia është dëmtuar aq shumë sa rezultati nuk ka rëndësi.