Vendet e Lindjes së Mesme po lëshojnë paralajmërime për të mos u larguar nga vendi, ndërsa afron afati i fundit i presidentit amerikan Donald Trump për bisedime me Iranin. Ministria e Brendshme e Kuvajtit u ka kërkuar qytetarëve dhe banorëve të qëndrojnë në shtëpi nga mesnata deri në orën 6 të mëngjesit të mërkurën. Ndërkohë ambasada amerikane në Manama u dha udhëzime të gjithë punonjësve të qeverisë në Bahrein që të strehohen në vend. “Ne u rekomandojmë të gjithë amerikanëve në Bahrein të bëjnë të njëjtën gjë deri në njoftim të mëtejshëm”, shtoi ambasada. “Për aq sa është e mundur, qëndroni në një strukturë të sigurt dhe qëndroni larg dritareve”, thuhet në njoftim. Nga ana tjetër edhe vendet e tjera i frikësohet një përshkallëzimi të konfliktit pasi Irani nuk ka pranuar të negociojë.