Kur mbetet pak më shumë se 3 muaj nga zgjedhjet e përgjithshme në kampin opozitar ende nuk janë të qartë se si do të shkojnë në këtë garë elektorale. Kreu I Partisë Demokratike, Lulzim Basha ka kohë që është nën presion nga partitë e vogla aleate për të sqaruar se cilat do të përfshijë në listën e PD dhe ccfarë vendesh do t’iu ofrojë kandidatëve të tyre për deputetë. Një prej aleatëve më të vjetër e besnikë të PD-së, kreu I Partisë Republikane, Fatmir Mediu ka ashpërsuar gjuhën politike. Në një takim me koordinatorët e zonave zgjedhore për Tiranën të Partisë Republikane, Mediu ka lëshuar një mesazh direkt për Bashën. Pasi ka theksuar fillimishte se Partia Republikane mund të marrë mandatet e saj për deputet edhe duke garuar e vetme, Mediu i kujtoi kryedemokratit se është Partia Demokratike ajo që ka një interes për listë të përbashkët në zgjedhje dhe se duhet të sqarojë sa më shpejt idetë e tij.