E kthyer tashmë në praktikë, kryeministri Rama edhe këtë të martë ka zhvilluar një takim me drejtuesit politikë, ose e thënë ndryshe me shtabin elektoral të zgjedhjeve të 25 prillit të vitit të ardhshëm, ndërsa i dha një përgjigje Metës pas deklaratës se Rama kryeson një organizatë kriminale. Takimi në selinë rozë ka nisur në orën 9 të mëngjesit, përpara se kryeministri të vijojë axhendën e tij, ndërsa temë e diskutimeve ka qenë përgatitja për zgjedhje dhe sa janë zbatuar porositë e dhëna në mbledhjen e mëparshme. Këto takime janë kthyer të përjavshme mes kryeministrit Rama dhe drejtuesit e tij politikë, ku raportohen ecuria e për fushatën zgjedhore, problematikat e qarqeve. Ndërkohë që është diskutuar edhe çështja për shtimin e 1 ose dy deputetëve në qarkun e Tiranës, për shkak se qytetit të Dibrës i largohet një deputet, kjo pasi ka një rënie të numrit të popullsisë në këtë qark. Rama u ka kërkuar drejtuesve të qarqeve që të evidentojnë punën e çdo drejtori dhe kreu të institucionit në lidhje me shërbimet që ai jep për qytetarët dhe ka bërë të qartë se kushdo që nuk pën punë do të shkarkohet.