Kryeministri Edi Rama e ka nisur javën me një mbledhje në selinë e PS, e cila është e katërta në harkun e një muaji dhe ashtu sikurse është paralajmëruar, do të zhvillohet cdo të hënë. Kryesocialisti ka mbledhur shtabin drejtues të fushatës elektorale, për të diskutuar nisjen e fushatës, përzgjedhjen e kandidatëve, defektet dhe cfarë ka mbetur nga premtimet e 2017 e që kanë ndikim në elektorat. Në takim përvec disa deputetëve marrin pjesë edhe koordinatorët e përzgjedhur si drejtuesit politikë në disa qarqe të vendit. Në mbledhjen e javës së kaluar shtabit elektoral iu bashkua edhe Ardian Cela i ngarkuar për të ndjekur fushatën elektorale në Durrës. Ndërkohë, pritet që javën në vijim të shoqërohen me të tjera zhvillime brenda partisë socialiste. Ndërsa në kampin opozitar, anëtarësia voton për kandidatët potencialë që do të jenë në listat për deputetë në zgjedhjet elektorale të 25 prillit të vitit të ardhshëm.