Gjykata Kushtetuese ka pranuar padinë e Lëvizjes Diaspora për Shqipërinë e Lirë, e cila kërkon konstatimin e shkeljes së të drejtës kushtetuese për emigrantët në zgjedhjet e 25 prillit. Nisur nga kjo mësohet se Gjykata Kushtetuese do të shqyrtojë me themel çështjen duke nisur nga seanca e 27 shtatorit. Sipas kësaj Lëvizje, synohet që nëpërmjet Gjykatës Kushtetuese t’i japë të drejtën legjitime diasporës shqiptare, për të votuar. Padia e bërë nga Lëvizja atakon zgjedhjet parlamentare të 25 prillit 2021 duke nënvizuar se në këtë proces elektoral nuk u mundësua vota e diasporës për shkak edhe të karantinës që u vendos për qytetarët shqiptar që vinin nga Greqia apo Maqedonia e Veriut. Lëvizja Diaspora ër Shqipërinë shprehet e bindur në vendimin e Kushtetueses në favor të tyre, duke vënë kështu në pikëpyetje ligjshmërinë e procesit të 25 prillit 2021.