Kuvendi dhe qeveria do të formohen menjëherë pasi të certifikohen zgjedhjet e 28 dhjetorit, thotë deputeti i zgjedhur i Lëvizjes Vetëvendosje, Mefail Bajqinovci. Sipas tij, pas certifikimit të zgjedhjeve do t’i hapet rruga institucioneve të reja për të miratuar buxhetin për vitin 2026. Bajqinovci: Ka urgjencë për formim të institucioneve të reja “Jam i bindur që kemi nevojë për urgjencë për shkak se kemi nevojë ta miratojmë buxhetin e Republikës së Kosovës. Janë ditët e fundit, ju e dini që vetëm edhe muaji shkurt mund të jepen pagat në të gjithë sektorin publik, 85 mijë qytetarë të cilët janë në këtë sektor. Andaj është urgjencë që sa më shpejt të miratohet buxheti i Republikës së Kosovës për vitin 2026… Edhe pse nuk u shpreh nëse Vetëvendosje e mbështet Vjosa Osmanin për një mandat të dytë në krye të vendit, Bajqinovci kërkon nga partitë opozitare të kenë mirëkuptim për ta tejkaluar sfidën e zgjedhjes së presidentit dhe të mos ketë kriza të reja politike.