Presidenti ukrainas, Volodymyr Zelenskyy kërkoi që të mos bëhet asnjë lëshim ndaj Moskës pas negociatave që po zhvillon Uashingtoni që po shqyrton në tavolinë edhe njohjen e Krimesë si pjesë të Rusisë. Sipas raportimeve, propozimet e administratës Trump për një zgjidhje paqësore të luftës përfshijnë njohjen e kontrollit Moska të Krimesë, gadishullit ukrainas që Rusia e pushtoi dhe aneksoi në vitin 2014, plus njohjen de facto të zonave të Ukrainës jugore dhe lindore të kontrolluara nga forcat e Moskës. “Ne të gjithë duam që kjo luftë të përfundojë në mënyrë të drejtë, pa dhurata për Putinin, dhe veçanërisht pa lëshime territoriale”, tha Zelensky në një samit rajonal. Rusia ka pushtuar pjesërisht katër rajone në Ukrainën jugore dhe lindore Donetsk, Luhansk, Zaporizhia dhe Kherson. Luftimet ende vijojnë .Ministri i Jashtëm rus, Sergei Lavrov tha të hënën se njohja ndërkombëtare e këtyre aneksimeve ishte një kusht i “imponuar” për t’i dhënë fund pushtimit rus të Ukrainës, i cili filloi në vitin 2022.