Donald Trump e quajti Volodymyr Zelenskyy mosmirënjohës, duke e kritikuar për mënyrën se si ka marrë ndihma nga Shtetet e Bashkuara për luftën në Ukrainë. Në një intervistë për Fox Neës, Trump tha: "Ai është një djalë i mençur dhe i ashpër, por ai mori para nga SHBA-ja kur Biden ishte president, si të merrje karamele nga një fëmijë. Ka qenë kaq e lehtë." Trump theksoi se Ukraina ka marrë 350 miliardë dollarë ndihmë nga SHBA dhe shtoi se, sipas tij, Zelenskyy nuk ka shprehur mjaftueshëm mirënjohje për këtë mbështetje. Kur u pyet për mundësinë që Ukraina të mos mund të mbijetonte nëse SHBA do të tërhiqte ndihmën, Trump e komentoi duke thënë se "mund të mos mbijetonte edhe nëse ndihma vazhdon." Në fund, ai shtoi se "askush nuk ka qenë më i ashpër ndaj Rusisë se sa vetë Trump," duke thënë kjo ishte diçka që do ta pranonte edhe vetë presidenti rus Vladimir Putin.