Presidenti ukrainas Volodymyr Zelensky ka hedhur poshtë përsëri idenë e shkëmbimit të territoreve me Rusinë si pjesë të një marrëveshjeje të ardhshme paqeje, duke përsëritur se çdo plan për të arritur paqen duhet të fillojë me një armëpushim, të cilin do ta ndjekin negociatat. "Ne nuk do ta njohim shkëmbimin në territorin tonë. Ka të bëjë me sovranitetin tonë. Nuk është i pranueshëm." U shpreh Zelensky Presidenti ukrainas tha gjithashtu se asetet ruse të “ngrira” nuk duhet të përdoren vetëm për qëllime humanitare, por edhe për të forcuar kapacitetin mbrojtës të Ukrainës. Sipas Zelensky Ukraina duhet të jetë në gjendje të përdorë një pjesë të këtyre fondeve për prodhimin vendas të armëve, si dhe për blerjen e sistemeve të armëve evropiane dhe amerikane. I pyetur në lidhje me raportet në Ëall Street Journal se SHBA-të kishin hequr të gjitha kufizimet për përdorimin e armëve me rreze të gjatë veprimi për të synuar Rusinë, presidenti i Ukrainës zbuloi se vendi i tij ka një “përdorim të qartë të aftësive me rreze të gjatë veprimi të prodhuara në Ukrainë”, që mund të godasin nga 150 km deri në 3000 km në rreze veprimi.