Presidenti ukrainas Volodymyr Zelensky iu përgjigj ashpër konferencës për shtyp të fundvitit të presidentit rus Vladimir Putin të enjten, duke i dhënë një epitet të vrazhdë liderit të Kremlinit. Gjatë konferencës për shtyp, Putin u mburr për aftësinë e Oreshnik, një raketë e re balistike me aftësi bërthamore që Rusia e përdori kohët e fundit në qytetin ukrainas të Dnipros. Ai përsëriti gjithashtu një kërcënim të mëparshëm për të goditur Ukrainën përsëri me raketën e frikshme, duke sugjeruar që ajo të lëshohej këtë radhë në Kiev për të testuar mbrojtjen ajrore të furnizuar nga Perëndimi. “Le të bëjmë një lloj eksperimenti teknologjik, një lloj dueli të teknologjisë së lartë të shekullit të 21-të, le të themi”, tha Putin. “Le të përcaktojnë ndonjë objektiv për t'u goditur, për shembull në Kiev, të përqendrojnë të gjitha forcat e tyre të mbrojtjes ajrore dhe raketore atje dhe ne do të godasim atje me Oreshnik. Dhe do të shohim se çfarë do të ndodhë”, tha ai duke shuar: “Ne jemi gati për një eksperiment të tillë. Është interesante.”