Volodimir Zelenski duhet të largohet nga Ukraina "menjëherë" në mes të tensioneve të përshkallëzuara mes Uashingtonit dhe Kievit, kanë paralajmëruar të brendshëm në Shtëpinë e Bardhë. Marrëdhëniet SHBA-Ukrainë u acaruan këtë javë, me inteligjencën ushtarake të Kievit që sugjeron se Rusia është vetëm disa ditë larg shpalljes së fitores në luftën pothuajse trevjeçare. Trump dhe Zelensky kanë zhvilluar një luftë fjalësh me Presidentin amerikan që ka kritikuar hapur liderin ukrainas dhe duke e quajtur atë një "diktator". Si përgjigje, Kievi kritikoi përpjekjet e tij për bisedimet e paqes me Rusinë dhe e akuzoi atë se ishte "në një flluskë dezinformimi". Ndërsa marrëdhëniet mes dy liderëve vazhdojnë të përkeqësohen, një burim i afërt me presidentin amerikan tha për Neë York Post se "mundësia më e mirë për Zelenskin dhe botën është që ai të largohet menjëherë nga Ukraina dhe të marrë azil në Francë". Ndërkohë, agjencia e inteligjencës ushtarake të Ukrainës thotë se Kremlini është vetëm disa ditë larg shpalljes së fitores në luftë. Udhëheqësi rus mund ta portretizojë atë si një triumf edhe mbi NATO-n, cka përbën një humbje për Perëndimin, sipas agjencisë.