Presidenti ukrainas Volodomyr Zelenski mbërriti në Singapor ku ka nisur konferenca e madhe e sigurisë Shangri-La të shtunën, ku ai pritet të takojë Sekretarin amerikan të Mbrojtjes Lloyd Austin dhe të diskutojë për mbështetjen për vendin e tij në një fjalim para delegatëve. Instituti Ndërkombëtar i Studimeve Strategjike, që organizon konferencën e sigurisë, tha se ai do të merrte pjesë në një sesion diskutimi të dielën me titull "Ri-imagjinimi i zgjidhjeve për paqen globale dhe stabilitetin rajonal". Ai pritet të kërkojë nga pjesëmarrësit në konferencë që të marrin pjesë dhe të mbështesin një "samit paqeje" që do të mbahet këtë muaj në Zvicër. Zelenski tha të mërkurën se Rusia po përpiqet të prishë samitin, të planifikuar për në 15 dhe 16 qershor, i cili ai shpreson të gjenerojë mbështetje për tërheqjen e trupave ruse dhe rivendosjen e kufijve të Ukrainës të vitit 1991. Ky është udhëtimi i dytë i Zelenskit në Azi që kur Rusia pushtoi Ukrainën në shkurt 2022. Në maj të vitit të kaluar ai mori pjesë në takimet e G7-ës në Japoni.