Presidenti ukrainas Volodymyr Zelensky tha se është gati të takohet "personalisht" me Presidentin rus Vladimir Putin në Stamboll të enjten për bisedime mbi përfundimin e luftës. Postimi i tij në X erdhi menjëherë pasi Donald Trump kërkoi që Ukraina të binte dakord me ofertën e Putinit për bisedime të drejtpërdrejta mes dy vendeve në Turqi. "Nuk ka kuptim të zgjaten vrasjet. Dhe unë do të pres Putinin në Turqi të enjten. Personalisht", shkroi Zelensky. Ai më herët kishte thënë se vendi i tij ishte i hapur për bisedime me Rusinë, por vetëm pasi të arrihej marrëveshje për një armëpushim. Fuqitë perëndimore bënë thirrje për një pauzë 30-ditore në luftime që do të fillonte të hënën, pasi udhëheqësit evropianë që kryesonin të ashtuquajturin "koalicion të vullnetshmëve" u takuan në Kiev të shtunën. Oferta e Putinit për bisedime të drejtpërdrejta pasoi atë ndërhyrje.