Presidenti ukrainas, Volodimir Zelenski, tha se ai nuk do të kërkojë një mandat të dytë në detyrë pas përfundimit të luftës. Por nëse zgjedhjet do të mbahen gjatë luftës ai do të kandidojë për president. Shefi i shtetit ukrainas e bëri këtë deklaratë në një intervistë për mediat e huaja. “Nëse lufta do të vazhdojë, do ta bëj. Nëse lufta mbaron, jo. Unë nuk mund të dorëzohem gjatë luftës”, tha Zelenski. Në të njëjtën kohë, presidenti nuk përmendi një datë ekzakte për përfundimin e luftës por nënvizoi se Ukraina është në fazën e fundit. “Unë mendoj se ne kemi arritur në fazën e fundit. Ne kemi shumë frikëra: paratë, armët. Por ne jemi në fazën e fundit, që është edhe më e vështira”, tha Zelenski. Më herët, kryetari i parlamentit, Ruslan Stefanchuk, kishte thënë se kushtetuta nuk ndalon mbajtjen e zgjedhjeve gjatë luftës. Një ndalim i tillë vjen nga ligji i ukrainës mbi ‘regjimin ligjor të gjendjes së luftës’. Zgjedhjet e radhës në ukrainë janë ato parlamentare. Ato ishin planifikuar për më 29 tetor 2023, por ligji e ndalon një mundësi të tillë në kohë lufte. Ndërkohë, në 2024-ën, duhet të mbahen zgjedhjet presidenciale.