Presidenti ukrainas, Volodimir Zelenski, vizitoi të enjten rajonin e Khersonit që ndodhet në vijën e frontit në lindje të vendit, disa muaj pasi pjesë të këtij qyteti u cliruan nga pushtimi rus. “Një vizitë në rajonin e Khersonit. Fshati Posad Pokrovske, ku shumë shtëpi dhe infrastrukturë sociale është dëmtuar si rezultat i agresionit rus”, tha ai në një postim në telegram. “Energjia elektrike dhe furnizimi me ujë po rikthehet, një klinikë mjekësore po rindërtohet dhe njerëzit po kthehen. Fola me banorët për problemet dhe nevojat e tyre. ne do të rikthejmë dhe rindërtojmë gjithcka”, shtoi ai.