Top News – Zelenski ‘mes plumbave’ në Bakhmut / Vizitë në fushëbetejë, pak metra larg ushtrisë ruse

Presidenti ukrainas, ka vizituar qytetin e Bakhmutit, në vijën e frontit, ku luftime të ashpra vazhdojnë prej muajsh tashmë. Qyteti tani i shkatërruar është bërë epiqendra e luftës, me rusinë që përpiqet të marrë kontrollin e tij prej muajsh. Ministria britanike e mbrojtjes tha se forcat ukrainase së fundmi kanë ndërmarrë një kundërsulm në perëndim të qytetit. Vizita e zelenskit ndërkohë vjen pasi forcat ruse sulmuan qytetet ukrainase gjatë natës duke i marrë jetën të paktën katër personave. Në një deklaratë të zyrës presidenciale thuhej se Zelenski kishte biseduar në Bakhmut me trupat dhe i kishte falenderuar për përpjekjet e tyre për të mbrojtur Ukrainën. “Jam i nderuar që jam këtu sot”, i tha presidenti ukrainas mbrojtësve të vendit, “në lindje të vendit tonë, në Donbas, ku edhe po ju jap këto mirënjohje në shenjë mirënjohjeje për atë që po bëni”.