Presidenti ukrainas Volodymyr Zelenski ndodhet në Holandë ku edhe do të marrë Çmimin Ndërkombëtar ‘Katër Liritë’, që iu dha atij dhe popullit ukrainas për të nderuar guximin e tyre gjatë katër viteve të luftës me Rusinë. Çmimet janë emëruar sipas fjalimit të Presidentit amerikan Franklin D. Roosevelt në vitin 1941, i cili përshkruan katër të drejta themelore të njeriut: lirinë e fjalës dhe shprehjes, lirinë e adhurimit, lirinë nga skamja dhe lirinë nga frika. Duke akorduar çmimin në janar, Fondacioni Roosevelt tha se ia kishte dhënë çmimin Zelenskit dhe popullit ukrainas në "njohje të luftës së tyre të guximshme për lirinë dhe demokracinë në rrethana jashtëzakonisht të vështira". "Ata po luftojnë për sigurinë e të gjithë Evropës dhe po mbrojnë, me jetën e tyre", tha fondacioni. Lufta ka vrarë qindra mijëra njerëz, ka zhvendosur miliona dhe ka shkatërruar qytete të tëra ukrainase që kur Rusia nisi pushtimin e saj në shkurt të vitit 2022. Në një ceremoni në qytetin historik të Middelburgut do të marrin pjesë Mbreti holandez Ëillem-Alexander dhe Kryeministri Rob Jetten. Fitues të mëparshëm të këtyre çmimeve përfshijnë ish-Sekretarin e Përgjithshëm të OKB-së Kofi Annan, ish-kancelaren gjermane Angela Merkel, udhëheqësin shpirtëror tibetian Dalai Lama dhe presidentin e ndjerë të Afrikës së Jugut Nelson Mandela.