Në tetor, nëntor dhe dhjetor kemi një mundësi reale ti cojmë gjërat përpara drejt paqes dhe një stabiliteti afatgjatë. Situata në fushën e betejës krijon një mundësi për aksion vendimtar për ti dhënë fund luftës, jo më vonë se 2025. Deklarata është bërë nga presidenti ukrainas, Volodimir Zelenski në takimin Ukrainë-Evropa juglindore që u mbajt në Kroaci, dhe u postua në llogarinë e tij në X. Ne mbështetemi te lidershipi i presidentit Biden dhe hapat e vendosur e të fuqishëm të britanisë, francës, gjermanisë dhe italisë, për të kthyer paqen dhe sigurinë në evropë – ka thënë ai. Zelenski saktësoi se plani i paqes do të jetë gati në nëntor, dhe do të përmbajë të gjitha kushtet për dhënien fund luftës. Plani, sipas presidentit ukrainas, i është paraqitur tashmë Shteteve të Bashkuara. “Pika e parë ka të bëjë me faktin se si do të mund të zgjidhim deficitin e sigurisë gjeopolitike në evropë”, nënvizoi zelenski duke shpjeguar se bëhet fjalë për një nyje kycë që nëse zgjidhet mund të cojë në humbjen e fuqisë gjeopolitike të Putinit dhe Rusisë, cka do të cojë në ndalimin e ndërhyrjeve në lirinë e vendeve fqinje. Ndërkohë, Bloomberg shkruan se aleatët e ukrainës po perceptojnë se zelenski mund të jetë i gatshëm që të marrë një qëndrim më fleksibël për sa i takon mënyrave për dhënien fund të luftës. Gazeta citon zyrtarë të afërt me naton. Lideri ukrainas publikisht ka përforcuar kërkesat kryesore të Kievit për ti dhënë fund luftës duke përjashtuar mundësinë e lëshimeve për sa i takon sovranitetit apo territorit të vendit. Por në të njëjtën kohë, nënvizon Bloomberg, funksionarët ukrainas kanë qartësuar se janë të gatshëm të pranojnë se lufta duhet të marrë fund.