"Delegacioni ynë ka një detyrë të qartë, të bëjë gjithçka për të mundësuar një takim me presidentin", deklaroi presidenti ukrainas, Volodymyr Zelensky në një video të publikuar të hënën. Ky do të jetë një takim, për të cilin ai është i sigurtë, se e presin të gjithë, ka thënë Zelensky, duke theksuar, se kjo është një rrugë e vështirë, por e nevojshme për të marrë garanci të efektshme. Zëdhënësi i presidentit rus, Dmitri Peskov nuk e përjashtoi një takim të drejtpërdrejtë me presidentin Putin. Por duhet të kuptohet, se cili do të jetë rezultati i këtij takimi dhe çfarë duhet të bisedohet aty, tha Peskov. Së fundmi delegacionet e Ukrainës dhe Rusisë i vlerësuan me optimizëm të matur bisedimet e tyre. Të dyja palët mund të bien në ujdi "që në ditët e ardhshme" për një pozicion të përbashkët dhe të nënshkruajnë dokumentet përkatëse, tha politikani rus për çështjet e jashtme, Leonid Sluzki. Edhe këshiltari i presidentit ukrainas, Mhajlo Podoljka llogarit se "për pak ditë do ketë rezultate konkrete". Të hënën bisedimet e delegacioneve është raportuar se do të vazhdojnë përmes video-konferencës.