Presidenti i Ukrainës, Volodymyr Zelensky, ka reaguar ashpër pasi Vladimir Putin tentoi t’i hidhte fajin Kievit për masakrën e kryer në Moskë, të premten. Ndërsa Rusia është ende e tronditur nga sulmi terrorist që është marrë përsipër nga grupi Shteti Islamik, ku deri më tani janë 133 viktimat, Putin është përpjekur pa bazë e pa prova që ta lidhë masakrën me Kievin. Natën e kaluar, Zelensky tha se ishte "absolutisht e parashikueshme" që Putini do të shfrytëzonte momentin e tmerrit kombëtar për të drejtuar gishtin nga Ukraina. "Ajo që ndodhi dje në Moskë është padyshim diçka për të cilën Putini dhe të tjerët po përpiqen t'ia hedhin fajin dikujt tjetër," tha Zelenski. “Putin, në vend që të merret me qytetarët e tij rusë, duke iu drejtuar atyre, heshti për një ditë, duke menduar se si ta sillte fajin në Ukrainë. Gjithçka është absolutisht e parashikueshme” – tha Zelenski.