Kremlini tha të martën se presidenti ukrainas Volodymyr Zelenskiy po kërkonte një përfshirje më të madhe të Perëndimit në konflikt, sepse forcat ukrainase ishin në një situatë jashtëzakonisht të pafavorshme në vijën e frontit. Zelenskiy i tha Reuters të hënën se ai po i shtynte partnerët perëndimorë që të përfshiheshin më shumë në luftë duke ndihmuar në rrëzimin e raketave ruse mbi Ukrainë dhe duke lejuar Kievin të përdorë armë perëndimore kundër pajisjeve ushtarake të armikut pranë kufirit. I pyetur për intervistën e Reuters, zëdhënësi i Kremlinit, Dmitry Peskov tha se disa zyrtarë ukrainas, përfshirë Zelenskin, janë përfshirë shpesh nga histeria gjatë ditëve të fundit. "Kjo, për shkak të pozicionit jashtëzakonisht të pafavorshëm të forcave të regjimit të Kievit në front," tha Peskov për gazetarët.