Presidenti i Ukrainës, Volodymyr Zelensky ka paralajmëruar Perëndimin që të mos i besojë Vladimir Putinit, mes frikës se vendi i tij po përjashtohet nga bisedimet e paqes me Rusinë. Zelensky tha se i kishte "paralajmëruar liderët botërorë që të mos i besonin pretendimeve të Putinit për gatishmërinë për t'i dhënë fund luftës". Në një deklaratë në X pasi foli me kryeministrin polak Donald Tusk, ai tha: “Theksova se Ukraina duhet të negociojë nga një pozicion i fortë, me garanci të forta dhe të besueshme sigurie. Anëtarësimi në NATO do të ishte me kosto më efektive për partnerët. Një tjetër garanci kryesore është investimi serioz në industrinë e mbrojtjes të Ukrainës. Zelensky u mbështet nga aleatët, përfshirë kryeministrin britanik Keir Starmer, i cili këmbënguli se Ukraina duhet të luajë një rol qendror në negociatat për t'i dhënë fund konfliktit tre-vjeçar. Të mërkurën mbrëma, presidenti amerikan Donald Trump njoftoi negociatat e menjëhershme për t'i dhënë fund luftës në Ukrainë pasi foli me Putinin me telefon për 90 minuta.