Gjykata e Posaçme e Apelit ka shpallur vendimin për ish deputetin e Partisë Socialiste, Alqi Bllako, duke e shpallur fajtor për një episod korrupsioni. Bëhet fjalë për rastin që lidhet me vlerën 119 mijë euro, ndërsa për një tjetër rast korrupsioni me vlerën 75 milion lekë, gjykata e shkallës së dytë i ka dhënë pafajësi ish sekretarit të përgjithshëm të Ministrisë së Mjedisit. Me vendim të Apelit, Bllako dënohet me 2 vite burg, në aplikim të nenit 59, u vendos pezullimi i ekzekutimit me burg dhe dënimin me shërbim prove. Bllako e ka kryer pjesën më të madhe të dënimit në burg, teksa pjesën e mbetur do ta kryejë me shërbim prove. Ish deputeti u akuzua nga SPAK për kohën kur mbante detyrën e sekretarit të përgjithshëm të Ministrisë së Mjedisit se u përfshi në dy shkelje korruptive, njëra prej të cilave u rrëzua sot.