Pasi shmangu përfshirjen në luftën e Rusisë në Ukrainë gjatë vitit të kaluar, Kina papritmas propozoi një plan paqeje muajin e kaluar. Propozimi kërkonte një armëpushim sa më shpejt të jetë e mundur dhe që të dyja palët të rifillonin negociatat për një zgjidhje paqësore. Vetë plani është i zakonshëm, por të jepte përshtypjen se Kina befas po merrte një rol aktiv. Arsyeja për ndryshimin e qasjes së Kinës mund të gjendet në një raport të lëshuar dy muaj më parë nga një institut në Pekin. Akademia e Shkencave Ushtarake (AMS) përfundoi më dhjetor një parashikim për konfliktin në Ukrainë, duke cuar në gjetje befasuese. Lufta do të marrë fund rreth verës së vitit 2023 dhe Rusia do të ketë një pozicion më të favorshëm. Si ekonomia ruse ashtu edhe ajo e Ukrainës do të jenë shumë të varfëra për të mbajtur konfliktin përtej verës, thuhet në raport.