Vladimir Putin po planifikon të hedhë në erë një digë për të përmbytur Khersonin ndërsa imazhet satelitore tregojnë se si rusët në nxitim po ndërtojnë një urë për të dalë nga qyteti. Dhjetëra e mijëra civilë rusë po largohen nga qyteti jugor i ukrainës pasi gjenerali Sergei Surovikin, i famshëm për manovrat e tij mizore, pranoi se ushtria ruse ishte nën presion nga forcat ukrainase. Por, Putini i dëshpëruar, mendohet se mund të bëjë edhe më të paimagjinueshmen për të justifikuar tërheqjen poshtëruese nga Khersoni. Forcat ruse po planifikojnë të shfrytëzojnë tërheqjen për të kryer një sulm në impiantin hidroenergjetik të Kakhovka-s, më pak se 80 kilometra në lindje të Khersonit, thotë instituti për studimet e luftës. Plani i Surovikin për të hedhur në erë digën do të mbulonte tërheqjen e rusisë nga bregu i djathtë i lumit Dnipro dhe ndaljen e avancimit ukrainas – thotë një raport. Shkatërrimi i digës do të shkaktonte një ‘ortek’ uji drejt qytetit të Khersonit, duke marrë me vete qytezat dhe fshatrat që i dalin para.