Një tjetër person është shpallur në kërkim për vrasjen e çiftit të bashkëshortëve Kreshnik dhe Gentjana Mujeci në Lezhë. Krahas tre djemëve të fisit Mhillaj, uniformat blu kanë identifikuar si të përfshirë në ngjarje dhe 22-vjeçarin, Besnik Kolndreu, në banesën e të cilit u gjet makina tip 'Volksëagen' që u përdor nga autorët për të qëlluar me breshëri plumbash drejt çiftit Mujeci, pasditen e 26 prillit. Automjeti tip “Volksëagen polo” pa targa, me ngjyrë të zezë, u gjet i fshehur mes dengjeve të barit, Mjeti dyshohet se ishte marrë me qera në Rinas nga motra e Florin Mhillajt, I cili në bashkëpunim me dy kushërinjtë e tij, Renaton dhe Adrianon, e përdorën makinën në atentatin ndaj çiftit Mujeci në Balldre të Lezhës. Grupi I autorëve sipas hetimeve paraprake ishte i ndarë në dy makina, me Audin që i preu rrugën Kreshnik Mujecit, ndërsa me 'Volksëagen' pa traga u derdh breshëria e plumbave drejt tyre. Pas krimit, ata e çuan automjetin, në banesën e Besnik Kolndreut dhe e ka fshehur duke e mbuluar me bar, me qëllim humbjen e gjurmëve, Kjo pasi 22-vjeçari kishte dhe një automjet identik dhe të rregullt. Gjatë kontrollit në brendësi të automjetit, grupi hetimor gjeti dhe sekuestroi në cilësinë e provës materiale, 2 gëzhoja model 56. Ndërkohë u procedua penalisht babai i Besnik Kolndreut për veprën penale të armëbajtjes pa leje. Ndërkohë vijon puna për kapjen e katër të rinjve.