Një punonjës i policisë së burgjeve u arrestua me kërkesë të prokurorisë së Elbasanit pasi fuste lëndë narkotike brenda në institucionin e vuajtjes së dënimit dhe ua shiste të dënuarve. Në pranga përfundoi efektivi Ndricim Kroi. Po ashtu u ndalua dhe Esmeralda Komici e dashura e të paraburgosurit Gerald Stamolla, i cili më pas e shiste drogën brenda ambienteve. Nga hetimet e kryera rezultoi se gardiani Ndriçim Kroi, që kryen shërbimin në regjimin e brendshëm të IEVP Elbasan, gjatë orëve që nuk ishte në punë merrte porosi nga të afërm të të paraburgosurve në pikën ku ushtronte aktivitetin e tij si shitës ambulant I telefonave të përdorur dhe sendeve të tjera me vlerë dhe më pas I fuste ato brenda ambientet të burgut. Lëndën narkotike dhe sendet e tjera të kundraligjshme ai I shpërndante kryesisht gjatë marrjes së shërbimit kur ishte turn I tretë ose ditën e shtunë dhe të dielë kur në institucion nuk kishte personel të administratës.