Atentati i ngritur ndaj Vincens Pirolit në Shkodër, ku ky i fundit mbeti i plagosur, vijon të jetë në foksuin e autoriteteve dhe policisë ditët e fundit. Autorët e plagosjes prej disa ditësh vijojnë të jenë në kërkim, ndësa këtë të premte policia ka identifikuar njërin prej tyre. Bëhet fjalë për 23 vjecarin Arjon Beqiri, banues në lagjen “Partizani” në Shkodër i cili është shpallur në kërkim nga policia. Ndaj të riut janë ngritur akuzat ‘vrasje me dashje’, mbetur në tentativë, kryer në bashkëpunim dhe “Armëmbajtja pa leje”. Policia e Shkdorës njoftoi se gjatë kontrollit të territorit është gjetur një makinë e braktisur në rrugën ‘’Hodo Beg Sokoli’’, automjet i cili dyshohet të jetë i autorëve. Në njoftimin zyrtar të policisë thuhet se automjeti është marrë me qira nga Arjon Beqiri më datë 3 janar. Ngjarja ndodhi mbrëmjen e 3 janari në Shkodër. Vincens Piroli u qëllua me armë zjarri ku u prek nga dy plumba. 34 vjecari u dërgua në spitalin e Lezhës nga kushëriri i tij, ndërsa më pas u transportua në spitalin e Traumës për një mjekim më të specializuar. Piroli u arrrestua nga policia pasi ishte I shapllur në kërkim për një vrasje të kryer në Mal të Zi në korrik të vitit të kaluar. Kushëriri i tij Mark Nikaj po ashtu u vu në pranga për mos kallëzim krimi. Deri më tani pista e hetimit në lidhje me këtë plagosje mendohet të jetë hakmarrja që nis në Mal të Zi për vrasjen e malazezit Momçillo Gjurishic, ndërsa policia dhe autoritetet vijojnë hetimet për kapjen e autorëve dhe zbardhjen e plotë të ngjarjes.