Një arsenal armësh është zbuluar nga policia në Peqin, ku janë arrestuar 3 persona dhe një tjetër është shpallur në kërkim. Hetuesit dyshojnë se armët e sekuestruara janë përdorur në ngjarjet e ndryshme kriminale në Elbasan. Sipas policisë kanë qarkulluar informacionevepër personat në fjalë, të cilët lëvizin të armatosur, e menjëherë u zhvillua aksioni për kapjen e tyre. Konkretisht Ali Çelmeta, Skënder Dudija dhe Mikael Durrsaku janë arrestuar, ndërsa Ergi Tosko është shpallur në kërkim Dy prej tyre me precedent të mëparshëm penal, të dënuar për vjedhje dhe krim kundra personit. Aksioni u zhvillua në lagje “Xhami” ku në një magazinë,efektivët kanë bërë të mundur gjetjen dhe sekuestrimin e një arsenali armësh, konkretisht një kallashnikov, dy pistoleta, një armë gjahu shotgun, një thkë, një bajonetë, një grantë difensive, një ndezës, municion luftarak, dy palë targa, një sasi të vogël lënde narkotike dhe fara kanabisi. Gjithashtu u sekuestra një automjet tip “Opel Frontera” dhe një aparat celular.