Një bazë kriminale është zbuluar në lagjen kastriot të Fierit, ku mbahej një arsenal armësh, pjesë armësh dhe municione, me qëllim shitjen e tyre te kontigjenti kriminal për kryerjen e krimeve të ndryshme. Policia ka sekuestruar 13 armë zjarri, nga të cilat tre ishin modifikuar për shënjestrim optik dhe silenciator, 2 silenciatorë, dhjetëra karikatorë dhe një sasi e konsiderueshme municioni luftarak. Shërbimet e komisariatit të policisë Fier kishin marrë informacione paraprake dhe pas hetimit mundën të identifikonin një shtetas të dyshuar, 38 vjec, i cili u ndalua teksa lëvizte me automjetin e tij. Nga kontrolli në automjet u gjet dhe u sekuestrua një armë zjarri pistoletë, pa leje, dhe një shumë parash prej 3500 eurosh. Hetimet janë thelluar më tej mbi veprimtarinë e 38 vjecarit dhe si rezultat është zbuluar banesa në lagjen kastriot, e pabanuar, të cilën ai e përdorte si bazë armësh e municionesh të cilat ua shiste grupeve kriminale. Specialistët për hetimin e krimeve në komisariatin e policisë së fierit, në koordinim me prokurorinë e qytetit, vazhdojnë hetimet për të identifikuar dhe nxjerrë para shtetësisë shtetas të tjerë që mund të jenë përfshirë në këtë veprimtari kriminale.