Vdekja e aktorit të njohur Matheë Perry ishte aksidentale. Në këtë përfundim kanë dalë zyrtarët mjekësorë të Los Anxhelosit, të cilët kanë deklaruar se vdekja e 54-vjeçarit u shkaktua nga efektet acute të ketaminës. Ylli i kinemasë u gjet i pavetëdijshëm në pishinën e shtëpisë së tij në Los Anxhelos në tetor, teksa asokohe u aludua edhe për mbytje, por vetëm tani doli raporti përfundimtar i ekzaminimit mjekësor. "Nga nivelet e larta të ketaminës që gjenden në mostrat e tij të gjakut pas vdekjes, efektet kryesore vdekjeprurëse janë stimulimi i tepërt kardiovaskular dhe vështirësia e frymëmarrjes. Ai ka rënë pa vetëdije në pishinë dhe më pas edhe mbytja ka kontribuar në humbjen e jetës", shkruan në raport eksperti i lartë mjekësor Raffi Djabourian. Aktori Mattheë Perry u bë i njohur më së shumti për interpretimin e Chandler Bing-ut të mençur në serialin Friends. Shfaqja ndoqi gjashtë miq të rinj që jetonin në qytetin e Nju Jorkut dhe u transmetua nga viti 1994 deri në vitin 2004. Finalja e tij u shikua nga 52.5 milionë në SHBA, duke e bërë atë episodin më të ndjekur televiziv të viteve 2000. Në kulmin e famës së tij, Perry luftonte me varësinë ndaj ilaçeve kundër dhimbjeve dhe alkoolit, dhe ndoqi klinikat e rehabilitimit në shumë raste.